lutf-amez har andaz-e-sitam hota hai

lutf-āmez har andāz-e-sitam hotā hai

dard-e-bīmār na baḌhtā hai na kam hotā hai

be-qarāroñ ko nahīñ rāh-e-talab meñ mushkil

ik taḌap meñ had-e-manzil pe qadam hotā hai

dekhtā hai jo mirā haal vo ro detā hai

mere parde meñ zamāne pe sitam hotā hai

ḳhūgar-e-jaur ko āzār meñ bhī rāhat hai

dil taḌaptā hai sivā jaur jo kam hotā hai

sunñe vaale idhar aa dekh vo vaqt aa pahūñchā

ki ishāroñ meñ bayāñ qissa-e-ġham hotā hai

kyā qayāmat hai vahī dushman-e-jāñ hote haiñ

jin nigāhoñ meñ kuchh andāz-e-karam hotā hai

tapish-e-dil se hai hangāma-e-hastī bedār

ruuh so jaatī hai kuchh dard jo kam hotā hai

ajab ārām se huuñ tark-e-tamannā kar ke

ab na hotī hai ḳhushī mujh ko na ġham hotā hai

kaif jo asl meñ hai rūh-e-nashāt ai 'farruḳh'

vaqt-e-āḳhir vahī sarmāya-e-ġham hotā hai

lutf-amez har andaz-e-sitam hota hai

dard-e-bimar na baDhta hai na kam hota hai

be-qararon ko nahin rah-e-talab mein mushkil

ek taDap mein had-e-manzil pe qadam hota hai

dekhta hai jo mera haal wo ro deta hai

mere parde mein zamane pe sitam hota hai

KHugar-e-jaur ko aazar mein bhi rahat hai

dil taDapta hai siwa jaur jo kam hota hai

sunne wale idhar aa dekh wo waqt aa pahuncha

ki ishaaron mein bayan qissa-e-gham hota hai

kya qayamat hai wahi dushman-e-jaan hote hain

jin nigahon mein kuchh andaz-e-karam hota hai

tapish-e-dil se hai hangama-e-hasti bedar

ruh so jati hai kuchh dard jo kam hota hai

ajab aaram se hun tark-e-tamanna kar ke

ab na hoti hai KHushi mujh ko na gham hota hai

kaif jo asl mein hai ruh-e-nashat ai 'farruKH'

waqt-e-aKHir wahi sarmaya-e-gham hota hai