lutf be-bak mulaqat ka mushkil se uTha

lutf be-bāk mulāqāt kā mushkil se uThā

ek parda thā bil-āḳhir jo muqābil se uThā

husn-e-ḳhalvat-talabī ke liye mahfil se uThā

ġhair az ishq jo jazba ho use dil se uThā

kaif-e-vīrānī-e-ḳhalvat se na mahfil se uThā

zauq-e-dil-bastagī jab tak na tah-e-dil se uThā

ishq jaisī koī shaḳhsiyyat-e-jāma.a na milī

ek bhī harf is afsāne kā mushkil se uThā

aql se gesū-e-getī nahīñ suljhe yārab

koī dīvāna isī aab isī gil se uThā

pā-shikasta ġham-e-vāmāndagī-r-rāh na kar

paas aane ko tire ḳhud koī manzil se uThā

raat guldasta-e-afsurda-dilī chhoḌ ga.ī

gul-ba-kaf vaqt-e-sahar jo tirī mahfil se uThā

ham-safar kaun hama-vaqt hai saa.e kī tarah

maiñ uThā huuñ to koī saath muqābil se uThā

chāñd taare bhī the mushtāq ki 'mānī' ko suneñ

sub.h-dam tak na koī raat kī mahfil se uThā

lutf be-bak mulaqat ka mushkil se uTha

ek parda tha bil-aKHir jo muqabil se uTha

husn-e-KHalwat-talabi ke liye mahfil se uTha

ghair az ishq jo jazba ho use dil se uTha

kaif-e-virani-e-KHalwat se na mahfil se uTha

zauq-e-dil-bastagi jab tak na tah-e-dil se uTha

ishq jaisi koi shaKHsiyyat-e-jama na mili

ek bhi harf is afsane ka mushkil se uTha

aql se gesu-e-geti nahin suljhe yarab

koi diwana isi aab isi gil se uTha

pa-shikasta gham-e-wamandagi-r-rah na kar

pas aane ko tere KHud koi manzil se uTha

raat guldasta-e-afsurda-dili chhoD gai

gul-ba-kaf waqt-e-sahar jo teri mahfil se uTha

ham-safar kaun hama-waqt hai sae ki tarah

main uTha hun to koi sath muqabil se uTha

chand tare bhi the mushtaq ki 'mani' ko sunen

subh-dam tak na koi raat ki mahfil se uTha