lutf-e-aghaz mila lazzat-e-anjam ke baad

lutf-e-āġhāz milā lazzat-e-anjām ke ba.ad

hausla dil kā baḌhā koshish-e-nākām ke ba.ad

ab ḳhudā jaane tujhe bhī hai ta.alluq ki nahīñ

log lete haiñ mirā naam tire naam ke ba.ad

mai-kada thā to vahīñ roz chalā jaatā thā

ab kahāñ koī Thikānā hai mirā shaam ke ba.ad

koī aayā hī nahīñ kū-e-vafā tak varna

kuchh bhī mushkil nahīñ ye raah do ik gaam ke ba.ad

ek do ghūñT bahut talḳh hai mai kī lekin

lutf aa.egā tujhe shaiḳh do ik jaam ke ba.ad

vaqt kaTtā rahā kaTtī rahīñ rāheñ lekin

ham ne muḌ muḌ ke tumheñ dekhā har ik gaam ke ba.ad

kuchh to saaqī se gila hogā 'hasan' ko varna

kaun mai-ḳhāne se uThtā hai do ik jaam ke ba.ad

lutf-e-aghaz mila lazzat-e-anjam ke baad

hausla dil ka baDha koshish-e-nakaam ke baad

ab KHuda jaane tujhe bhi hai talluq ki nahin

log lete hain mera nam tere nam ke baad

mai-kada tha to wahin roz chala jata tha

ab kahan koi Thikana hai mera sham ke baad

koi aaya hi nahin ku-e-wafa tak warna

kuchh bhi mushkil nahin ye rah do ek gam ke baad

ek do ghunT bahut talKH hai mai ki lekin

lutf aaega tujhe shaiKH do ek jam ke baad

waqt kaTta raha kaTti rahin rahen lekin

hum ne muD muD ke tumhein dekha har ek gam ke baad

kuchh to saqi se gila hoga 'hasan' ko warna

kaun mai-KHane se uThta hai do ek jam ke baad