lutf-e-mahfil aur na pine ka maza rah jaega

lutf-e-mahfil aur na piine kā maza rah jā.egā

tū na ho saaqī to maiḳhāne meñ kyā rah jā.egā

aap agar yuuñ hī nazar ke jaam chhalkāte rahe

maiñ to kyā phir kaun hai jo pārsā rah jā.egā

jaane vaale chhoḌtā jā apnī yādoñ ke nuqūsh

varna jiine ke liye kyā mashġhala rah jā.egā

ye na thā ma.alūm duniyā hī mirī luT jā.egī

jab ki manzil se zarā sā fāsla rah jā.egā

ittifāqan jab kabhī vo rū-ba-rū aa jā.eñge

kyā ḳhabar thī dil kā dil meñ mudda.ā rah jā.egā

ye bhī to socho tamāshā dekhne vaalo zarā

ham jo Dūbeñge to kyā sāhil bachā rah jā.egā

duur ho jaa.e ḳhalish aisā kabhī mumkin nahīñ

zaḳhm siine kā agar koī harā rah jā.egā

ek din aisā bhī aa.egā na sochā thā kabhī

lamha lamha ziist kā ban kar sazā rah jā.egā

ḳhātir-e-ahbāb ye hastī fanā kar de 'nasīr'

tū na hogā naam to baaqī tirā rah jā.egā

lutf-e-mahfil aur na pine ka maza rah jaega

tu na ho saqi to maiKHane mein kya rah jaega

aap agar yun hi nazar ke jam chhalkate rahe

main to kya phir kaun hai jo parsa rah jaega

jaane wale chhoDta ja apni yaadon ke nuqush

warna jine ke liye kya mashghala rah jaega

ye na tha malum duniya hi meri luT jaegi

jab ki manzil se zara sa fasla rah jaega

ittifaqan jab kabhi wo ru-ba-ru aa jaenge

kya KHabar thi dil ka dil mein muddaa rah jaega

ye bhi to socho tamasha dekhne walo zara

hum jo Dubenge to kya sahil bacha rah jaega

dur ho jae KHalish aisa kabhi mumkin nahin

zaKHm sine ka agar koi hara rah jaega

ek din aisa bhi aaega na socha tha kabhi

lamha lamha zist ka ban kar saza rah jaega

KHatir-e-ahbab ye hasti fana kar de 'nasir'

tu na hoga nam to baqi tera rah jaega