lutf-e-tashrif jo ishq uske ne aaghaz kiya

lutf-e-tashrīf jo 'ishq us ke ne āġhāz kiyā

ham ne tā'zīm kī aur jhap dar-e-dil baaz kiyā

dekh kar us ko butāñ sehr sab apnā bhūle

us shah-e-husn ke 'ālam ne ye e.ajāz kiyā

lutf se jis kī taraf ek nigah kī us ne

us ko sau qadr-o-sharaf se vahīñ mumtāz kiyā

jis ke haañ paañv rakhā us ne to kyā kyā us ko

ālam-e-zāhir-o-bātin meñ sar-afrāz kiyā

ham to kis gintī meñ haiñ husn ne us ke to 'nazīr'

haiñ jo mā'shūq unheñ āshiq-e-jāñbāz kiyā

lutf-e-tashrif jo 'ishq us ke ne aaghaz kiya

hum ne ta'zim ki aur jhap dar-e-dil baz kiya

dekh kar us ko butan sehr sab apna bhule

us shah-e-husn ke 'alam ne ye eajaz kiya

lutf se jis ki taraf ek nigah ki us ne

us ko sau qadr-o-sharaf se wahin mumtaz kiya

jis ke han panw rakha us ne to kya kya us ko

aalam-e-zahir-o-baatin mein sar-afraaz kiya

hum to kis ginti mein hain husn ne us ke to 'nazir'

hain jo ma'shuq unhen aashiq-e-jaanbaz kiya