lutf hasil hai teri anjuman-arai ka

lutf hāsil hai tirī anjuman-ārā.ī kā

kitnā pur-kaif hai aalam mirī tanhā.ī kā

tujh se mumkin ho to jaañ nazr-e-mohabbat kar de

yahī mauqa hai mohabbat kī pazīrā.ī kā

na to hai daar kā ḳhatra na rasan kī parvā

hausla dekh zarā apne tamannā.ī kā

tanz kartā hai mire ishq pe jis ko dekho

auj par ab hai sitāra mirī rusvā.ī kā

kahkashāñ chāñd falak aur bisāt-e-anjum

kyā nazāra hai tirī anjuman-ārā.ī kā

us se kah do ki mohabbat kā irāda na kare

chhoḌ de haath se dāman jo shakebā.ī kā

dekhtā huuñ to mire hosh uḌe jaate haiñ

allah allāh ye manzar tirī añgḌā.ī kā

saaf kahtā huuñ ki tum duur raho ai 'shabbīr'

ishq kī raah meñ kyā kaam hai dānā.ī kā

lutf hasil hai teri anjuman-arai ka

kitna pur-kaif hai aalam meri tanhai ka

tujh se mumkin ho to jaan nazr-e-mohabbat kar de

yahi mauqa hai mohabbat ki pazirai ka

na to hai dar ka KHatra na rasan ki parwa

hausla dekh zara apne tamannai ka

tanz karta hai mere ishq pe jis ko dekho

auj par ab hai sitara meri ruswai ka

kahkashan chand falak aur bisat-e-anjum

kya nazara hai teri anjuman-arai ka

us se kah do ki mohabbat ka irada na kare

chhoD de hath se daman jo shakebai ka

dekhta hun to mere hosh uDe jate hain

allah allah ye manzar teri angDai ka

saf kahta hun ki tum dur raho ai 'shabbir'

ishq ki rah mein kya kaam hai danai ka