lutf KHudi yahi hai ki shan-e-baqa rahun

lutf ḳhudī yahī hai ki shān-e-baqā rahūñ

insān ke libās meñ ban kar ḳhudā rahūñ

jab mujh ko mere sāmne aane se aar hai

kis hausle pe tujh ko ḳhudā māntā rahūñ

parde meñ ik jhalak sī dikhāne se fā.eda

jalve ko aam kar ki tujhe dekhtā rahūñ

ik tū ki mere dil hī meñ chhup kar paḌā rahe

ik maiñ ki har chihār taraf DhūñDhtā rahūñ

tū hī batā ki ye koī insāf to nahīñ

terā hī juzv hone pe tujh se judā rahūñ

bhejā hai ai ḳhudā mujhe kyā tū ne is liye

har vaqt zindagī meñ rahīn-e-balā rahūñ

har gaam mujh ko ka.aba hī maqsūd hai ratan

aayā hai vo maqām ki har dam jhukā rahūñ

lutf KHudi yahi hai ki shan-e-baqa rahun

insan ke libas mein ban kar KHuda rahun

jab mujh ko mere samne aane se aar hai

kis hausle pe tujh ko KHuda manta rahun

parde mein ek jhalak si dikhane se faeda

jalwe ko aam kar ki tujhe dekhta rahun

ek tu ki mere dil hi mein chhup kar paDa rahe

ek main ki har chihaar taraf DhunDhta rahun

tu hi bata ki ye koi insaf to nahin

tera hi juzw hone pe tujh se juda rahun

bheja hai ai KHuda mujhe kya tu ne is liye

har waqt zindagi mein rahin-e-bala rahun

har gam mujh ko kaba hi maqsud hai ratan

aaya hai wo maqam ki har dam jhuka rahun