luTne walo dil-e-barbaad ki tauqir na jae

luTne vaalo dil-e-barbād kī tauqīr na jaa.e

ghar chalā jaa.e magar hasrat-e-tā’mīr na jaa.e

shahr-e-nau qil’a-e-dil kaisā khañDar hai ki jahāñ

koī sayyāh na aa.e koī rahgīr na jaa.e

maiñ to ḳhud ḳhvāboñ ko tā'bīr se kar duuñ mahrūm

ḳhvāb aise haiñ ki jin se ġham-e-tā'bīr na jaa.e

shahr se qāfile lauTe haiñ ye kahte sū-e-dasht

is ḳharābe meñ koī sāhab-e-tauqīr na jaa.e

jaane kis sho'le se gūñdhī ga.ī miTTī merī

āñdhiyāñ chaltī rahīñ ḳhaak kī tanvīr na jaa.e

luTne walo dil-e-barbaad ki tauqir na jae

ghar chala jae magar hasrat-e-ta’mir na jae

shahr-e-nau qil’a-e-dil kaisa khanDar hai ki jahan

koi sayyah na aae koi rahgir na jae

main to KHud KHwabon ko ta'bir se kar dun mahrum

KHwab aise hain ki jin se gham-e-ta'bir na jae

shahr se qafile lauTe hain ye kahte su-e-dasht

is KHarabe mein koi sahab-e-tauqir na jae

jaane kis sho'le se gundhi gai miTTi meri

aandhiyan chalti rahin KHak ki tanwir na jae