ma-siwa dard ke tum aur mujhe kya doge

mā-sivā dard ke tum aur mujhe kyā doge

saath to de na sake ḳhaak sahārā doge

ho ke nādim baḌī muddat meñ to aa.e ho miyāñ

phir vo guzre hue din kyā mujhe lauTā doge

zaḳhm-e-dil aur hare ho ga.e tum aa.e kyoñ

maiñ ne samjhā thā musībat meñ sahārā doge

aisī tanhā.ī se to maut hai behtar jānāñ

tum aziyyat ke sivā aur bhalā kyā doge

de ke tum tark-e-ta.alluq kī sanad duniyā ko

kyā pata shahr-e-ḳhamoshāñ ke alāva doge

ek ehsān karo mujh pe ye jaate jaate

phir na milne kā mujhe koī dilāsa doge

tum mire sar kī qasam khā ke kaho jān-e-vafā

kyā kabhī is dil-e-be-kal ko bhī samjhā doge

ham tire baad bhī zinda-o-salāmat haiñ abhī

tum ne samjhā ki hameñ chhoḌ ke dikhlā doge

ishq karnā bhī koī khel kahāñ hai 'tāriq'

ātish-e-ishq meñ tum ḳhud ko hī pighlā doge

ma-siwa dard ke tum aur mujhe kya doge

sath to de na sake KHak sahaara doge

ho ke nadim baDi muddat mein to aae ho miyan

phir wo guzre hue din kya mujhe lauTa doge

zaKHm-e-dil aur hare ho gae tum aae kyon

main ne samjha tha musibat mein sahaara doge

aisi tanhai se to maut hai behtar jaanan

tum aziyyat ke siwa aur bhala kya doge

de ke tum tark-e-talluq ki sanad duniya ko

kya pata shahr-e-KHamoshan ke alawa doge

ek ehsan karo mujh pe ye jate jate

phir na milne ka mujhe koi dilasa doge

tum mere sar ki qasam kha ke kaho jaan-e-wafa

kya kabhi is dil-e-be-kal ko bhi samjha doge

hum tere baad bhi zinda-o-salamat hain abhi

tum ne samjha ki hamein chhoD ke dikhla doge

ishq karna bhi koi khel kahan hai 'tariq'

aatish-e-ishq mein tum KHud ko hi pighla doge