maal-e-sabr hai mera nashat-e-hasrat-afzai

ma.āl-e-sabr hai merā nashāt-e-hasrat-afzā.ī

tabī'at bazm kī ḳhūgar magar qismat hai tanhā.ī

achānak un ḳhayāl-angez āñkhoñ meñ chamak aa.ī

bas itnī baat kaafī thī mujhe hone ko saudā.ī

zahe-uzlat ki jaarī hai ba-shakl-e-ḳhvāb bedārī

sar-e-shām-e-tamannā ehtimām-e-bazm-ārā.ī

'adū kī fauj saf-basta musallah bhī munazzam bhī

magar ham haiñ abhī ġharq-e-ḳhayāl-e-razm-ārā.ī

savāl is kā nahīñ vīrān hai dil mas.ala ye hai

agar andar na thā koī to phir kis kī sadā aa.ī

darīchoñ par koī bandish nahīñ thī aaj phir 'ḳhālid'

koī bhūlī huī ḳhushbū havā ke saath dar aa.ī

maal-e-sabr hai mera nashat-e-hasrat-afzai

tabi'at bazm ki KHugar magar qismat hai tanhai

achanak un KHayal-angez aankhon mein chamak aai

bas itni baat kafi thi mujhe hone ko saudai

zahe-uzlat ki jari hai ba-shakl-e-KHwab bedari

sar-e-sham-e-tamanna ehtimam-e-bazm-arai

'adu ki fauj saf-basta musallah bhi munazzam bhi

magar hum hain abhi gharq-e-KHayal-e-razm-arai

sawal is ka nahin viran hai dil masala ye hai

agar andar na tha koi to phir kis ki sada aai

darichon par koi bandish nahin thi aaj phir 'KHalid'

koi bhuli hui KHushbu hawa ke sath dar aai