man-bap ki apne jo bhi izzat nahin karte

māñ-bāp kī apne jo bhī 'izzat nahīñ karte

rahte haiñ pareshān vo barkat nahīñ karte

jiite haiñ yahāñ ban ke jo daulat ke pujārī

vo log usūloñ kī hifāzat nahīñ karte

detā jo koī ham pe zarā sī bhī tavajjoh

mahfil se tirī ḳhud ko bhī ruḳhsat nahīñ karte

rutba hai baḌā terā magar ham bhī to kuchh haiñ

har baat se apne ko to sahmat nahīñ karte

zinda hai tirī shakl hī alfāz kī sūrat

sho'loñ ke havāle jo tire ḳhat nahīñ karte

rahtā hai hameñ yaad nizāmat hai usī kī

duniyā kī kisī shai se bhī nafrat nahīñ karte

patvār thamā dī hai 'nazar' kab se usī ko

chaukhaT pe zamāne kī to minnat nahīñ karte

man-bap ki apne jo bhi 'izzat nahin karte

rahte hain pareshan wo barkat nahin karte

jite hain yahan ban ke jo daulat ke pujari

wo log usulon ki hifazat nahin karte

deta jo koi hum pe zara si bhi tawajjoh

mahfil se teri KHud ko bhi ruKHsat nahin karte

rutba hai baDa tera magar hum bhi to kuchh hain

har baat se apne ko to sahmat nahin karte

zinda hai teri shakl hi alfaz ki surat

sho'lon ke hawale jo tere KHat nahin karte

rahta hai hamein yaad nizamat hai usi ki

duniya ki kisi shai se bhi nafrat nahin karte

patwar thama di hai 'nazar' kab se usi ko

chaukhaT pe zamane ki to minnat nahin karte