man ja ain shin qaf na kar

maan jā 'ain shiin qaaf na kar

ro.egā 'ain shiin qaaf na kar

kaun phir mai-kada sañbhālegā

sāqiyā 'ain shiin qaaf na kar

kashtī-e-zīst Duub jā.egī

nāḳhudā 'ain shiin qaaf na kar

dil lagāne se kuchh nahīñ hotā

dil lagā 'ain shiin qaaf na kar

sab ko detā hai ek dīvāna

mashvara 'ain shiin qaaf na kar

ye zamāna vafā nahīñ kartā

ham-navā 'ain shiin qaaf na kar

hai abhī daur-e-kam-sinī pyāre

muskurā 'ain shiin qaaf na kar

laaj rakh apnī ḳhuub sūrat kī

apsarā 'ain shiin qaaf na kar

ek kaafī hai zindagī-bhar ko

dūsrā 'ain shiin qaaf na kar

phir se farmā.eñ hazrat-e-'mahvar'

kyā kahā 'ain shiin qaaf na kar

man ja 'ain shin qaf na kar

roega 'ain shin qaf na kar

kaun phir mai-kada sanbhaalega

saqiya 'ain shin qaf na kar

kashti-e-zist Dub jaegi

naKHuda 'ain shin qaf na kar

dil lagane se kuchh nahin hota

dil laga 'ain shin qaf na kar

sab ko deta hai ek diwana

mashwara 'ain shin qaf na kar

ye zamana wafa nahin karta

ham-nawa 'ain shin qaf na kar

hai abhi daur-e-kam-sini pyare

muskura 'ain shin qaf na kar

laj rakh apni KHub surat ki

apsara 'ain shin qaf na kar

ek kafi hai zindagi-bhar ko

dusra 'ain shin qaf na kar

phir se farmaen hazrat-e-'mahwar'

kya kaha 'ain shin qaf na kar