man ja dekh eatibar na kar

maan jā dekh e.atibār na kar

vo na ā.eñge intizār na kar

apnā ġham ro ke āshkār na kar

chāñd tāroñ ko ashk-bār na kar

rahm kar ai junūn-e-zauq-e-nazar

mujh ko begāna-e-bahār na kar

rind ban dekh kaif-e-bāda na ban

un nigāhoñ kā e.atibār na kar

tauba tauba tirā gila aur maiñ

mujh ko itnā tū sharmsār na kar

hosh ko izn-e-be-ḳhudī de kar

zindagī kā bhī e.atibār na kar

mujh ko duniyā kī āfateñ haiñ qubūl

ġham-dilī un ko sogvār na kar

ye hai tauhīn-e-zabt-e-ġham nādāñ

ashk-e-ġham husn par nisār na kar

dekh anjām-e-tūr kyā hai 'vakīl'

manzil-e-shauq iḳhtiyār na kar

man ja dekh eatibar na kar

wo na aaenge intizar na kar

apna gham ro ke aashkar na kar

chand taron ko ashk-bar na kar

rahm kar ai junun-e-zauq-e-nazar

mujh ko begana-e-bahaar na kar

rind ban dekh kaif-e-baada na ban

un nigahon ka eatibar na kar

tauba tauba tera gila aur main

mujh ko itna tu sharmsar na kar

hosh ko izn-e-be-KHudi de kar

zindagi ka bhi eatibar na kar

mujh ko duniya ki aafaten hain qubul

gham-dili un ko sogwar na kar

ye hai tauhin-e-zabt-e-gham nadan

ashk-e-gham husn par nisar na kar

dekh anjam-e-tur kya hai 'wakil'

manzil-e-shauq iKHtiyar na kar