mana ki mere zarf se baDh kar mujhe na do
maanā ki mere zarf se baḌh kar mujhe na do
shabnam hī māñgtā huuñ samundar mujhe na do
jis ko havā ke ruḳh pe na kholā gayā kabhī
ik aise bādbāñ kā muqaddar mujhe na do
dīvār jis kī sarhad sahrā se jā mile
aisī sazā-e-ḳhāna-e-be-dar mujhe na do
lau de rahī hai soch ke vaqfa kī ḳhāmushī
har baat kā javāb sambhal kar mujhe na do
kuchh de sako agar to koī ḳhvāb sauñp do
saaya talāsh kartā huuñ paikar mujhe na do
maiñ aap apne jurm-o-sazā kā harīf huuñ
ilzām-e-shauq sab ke barābar mujhe na do
gar sun sako to 'shāz' kī ḳhāmoshiyāñ suno
taklīf-e-arz-e-hāl mukarrar mujhe na do
mana ki mere zarf se baDh kar mujhe na do
shabnam hi mangta hun samundar mujhe na do
jis ko hawa ke ruKH pe na khola gaya kabhi
ek aise baadban ka muqaddar mujhe na do
diwar jis ki sarhad sahra se ja mile
aisi saza-e-KHana-e-be-dar mujhe na do
lau de rahi hai soch ke waqfa ki KHamushi
har baat ka jawab sambhal kar mujhe na do
kuchh de sako agar to koi KHwab saunp do
saya talash karta hun paikar mujhe na do
main aap apne jurm-o-saza ka harif hun
ilzam-e-shauq sab ke barabar mujhe na do
gar sun sako to 'shaz' ki KHamoshiyan suno
taklif-e-arz-e-haal mukarrar mujhe na do
- Book : Kulliyat-e-Shaz Tamkanat (Pg. 394)
- Author : Shaz Tamkanat
- Publication : Educational Publishing House (2004)
- Edition : 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
