mana ki shakl se main zara sa matin hun

maanā ki shakl se maiñ zarā sā matīn huuñ

lekin hañsī mazāq meñ maiñ behtarīn huuñ

kuchh vaqt mujh pe kaam huā phir maiñ kaT gayā

jo film tak pahuñch na sakā maiñ vo scene huuñ

maiñ aadmī kī zaat gumāñ kyoñ na ho mujhe

kyūñkar bharam na ho ki bas ik maiñ zahīn huuñ

ḳhud tak 'urūj bhī mirā ḳhud tak zavāl bhī

yā'nī huuñ maiñ hī āsmāñ maiñ hī zamīn huuñ

dil ek 'aql do vo jo in ko sune vo tiin

maiñ ek shaḳhs huuñ hī kahāñ maiñ to tiin huuñ

tauhīn itnī bhī na kar un kī pasand kī

'fānī' qubūl kar le ki maiñ bhī hasīn huuñ

mana ki shakl se main zara sa matin hun

lekin hansi mazaq mein main behtarin hun

kuchh waqt mujh pe kaam hua phir main kaT gaya

jo film tak pahunch na saka main wo scene hun

main aadmi ki zat guman kyon na ho mujhe

kyunkar bharam na ho ki bas ek main zahin hun

KHud tak 'uruj bhi mera KHud tak zawal bhi

ya'ni hun main hi aasman main hi zamin hun

dil ek 'aql do wo jo in ko sune wo tin

main ek shaKHs hun hi kahan main to tin hun

tauhin itni bhi na kar un ki pasand ki

'fani' qubul kar le ki main bhi hasin hun