manus fazaon se nikalte hue kuchh log

mānūs fazāoñ se nikalte hue kuchh log

gumrāh hue ghar ko machalte hue kuchh log

tum narm samā'at pe dharo haath ki ham aag

ash’ār kī sūrat meñ ugalte hue kuchh log

dobāra bane to nahīñ TūTeñge kisī se

ham vasl kī hiddat se pighalte hue kuchh log

manzar meñ na hone kā ta.assuf hai unheñ kyā

ik samt khaḌe haath masalte hue kuchh log

phir aur kisī dahr ke mehmān bane haiñ

sūraj kī tarah asr ko Dhalte hue kuchh log

patthar ke hue to baḌī taklīf huī hai

ḳhvāboñ kī tarah aañkh meñ palte hue kuchh log

nuqsān buḌhāpe kā yahī sab se baḌā hai

rā'sha-zada hāthoñ se phisalte hue kuchh log

kyā pahle kabhī mahr nahīñ niklā yahāñ par

kyuuñ shor machāte haiñ ye jalte hue kuchh log

chalte haiñ sañbhal kar to ḳhasāre meñ rahe haiñ

achchhe rahe gar gir ke sambhalte hue kuchh log

manus fazaon se nikalte hue kuchh log

gumrah hue ghar ko machalte hue kuchh log

tum narm sama'at pe dharo hath ki hum aag

ash’ar ki surat mein ugalte hue kuchh log

dobara bane to nahin TuTenge kisi se

hum wasl ki hiddat se pighalte hue kuchh log

manzar mein na hone ka tassuf hai unhen kya

ek samt khaDe hath masalte hue kuchh log

phir aur kisi dahr ke mehman bane hain

suraj ki tarah asr ko Dhalte hue kuchh log

patthar ke hue to baDi taklif hui hai

KHwabon ki tarah aankh mein palte hue kuchh log

nuqsan buDhape ka yahi sab se baDa hai

ra'sha-zada hathon se phisalte hue kuchh log

kya pahle kabhi mahr nahin nikla yahan par

kyun shor machate hain ye jalte hue kuchh log

chalte hain sanbhal kar to KHasare mein rahe hain

achchhe rahe gar gir ke sambhalte hue kuchh log