mayus-e-sham-e-gham tujhe isko KHabar bhi hai

māyūs-e-shām-e-ġham tujhe is kī ḳhabar bhī hai

tārīkiyoñ kī aaḌ meñ nūr-e-sahar bhī hai

mumkin nahīñ hai dīda-o-dānista tark-e-ishq

majbūr sirf dil hī nahīñ hai nazar bhī hai

ye munhasir hai aap pe jaise bhī dekhiye

nā-mo'tabar bhī hai vo nazar mo'atabar bhī hai

tū hī batā de mujh ko ki sajde kahāñ karūñ

mābain-e-dair-o-ka.aba tirā sang-e-dar bhī hai

tere junūn-e-shauq ne kyā gul khilā.e haiñ

begāna-e-bahār the kuchh gul ḳhabar bhī hai

sab rah-rav-e-hayāt haiñ lekin na.e na.e

manzil vahī hai aur vahī rahguzar bhī hai

us ke karam kā shukr kahāñ tak adā ho 'shauq'

sozish bhī hai ḳhalish bhī hai dard-e-jigar bhī hai

mayus-e-sham-e-gham tujhe is ki KHabar bhi hai

tarikiyon ki aaD mein nur-e-sahar bhi hai

mumkin nahin hai dida-o-danista tark-e-ishq

majbur sirf dil hi nahin hai nazar bhi hai

ye munhasir hai aap pe jaise bhi dekhiye

na-mo'tabar bhi hai wo nazar mo'atabar bhi hai

tu hi bata de mujh ko ki sajde kahan karun

mabain-e-dair-o-kaba tera sang-e-dar bhi hai

tere junun-e-shauq ne kya gul khilae hain

begana-e-bahaar the kuchh gul KHabar bhi hai

sab rah-raw-e-hayat hain lekin nae nae

manzil wahi hai aur wahi rahguzar bhi hai

us ke karam ka shukr kahan tak ada ho 'shauq'

sozish bhi hai KHalish bhi hai dard-e-jigar bhi hai