mayusiyon ka aalam andaz-e-guftugu mein

māyūsiyoñ kā aalam andāz-e-guftugū meñ

nākāmiyoñ kā mātam iz.hār-e-ārzū meñ

muhtāj-e-ġhair kab thā qissa mirā tumhārā

kyā daḳhl thā kisī kā aapas kī guftugū meñ

afsāna-e-vafā kī qaa.em ho koī surḳhī

āñkhoñ se ashk nikleñ Duube hue lahū meñ

vo haiñ jafā ke ḳhūgar mujh ko vafā kī ḳhvāhish

maiñ un kī justujū meñ vo merī justujū meñ

manzil pe kyā pahuñchte allah re nā-murādī

uTThe qadam to baiThā dil rāh-e-justujū meñ

ġhāfil guloñ kā is meñ kal tak patā na hogā

kyā mahv ho rahā hai duniyā-e-rang-o-bū meñ

zāhid ko mai-kade meñ le aa.e kaash koī

kambaḳht mar miTegā jannat kī aarzū meñ

sau chaak ho rahe the har chaak se numāyāñ

karte rafū kahāñ tak dāmān-e-ārzū meñ

'mas.ūd' ek sāġhar kaafī thā bahr-e-ishrat

kyoñ pī sharāb itnī kāñTā lagā gulū meñ

mayusiyon ka aalam andaz-e-guftugu mein

nakaamiyon ka matam izhaar-e-arzu mein

muhtaj-e-ghair kab tha qissa mera tumhaara

kya daKHl tha kisi ka aapas ki guftugu mein

afsana-e-wafa ki qaem ho koi surKHi

aankhon se ashk niklen Dube hue lahu mein

wo hain jafa ke KHugar mujh ko wafa ki KHwahish

main un ki justuju mein wo meri justuju mein

manzil pe kya pahunchte allah re na-muradi

uTThe qadam to baiTha dil rah-e-justuju mein

ghafil gulon ka is mein kal tak pata na hoga

kya mahw ho raha hai duniya-e-rang-o-bu mein

zahid ko mai-kade mein le aae kash koi

kambaKHt mar miTega jannat ki aarzu mein

sau chaak ho rahe the har chaak se numayan

karte rafu kahan tak daman-e-arzu mein

'masud' ek saghar kafi tha bahr-e-ishrat

kyon pi sharab itni kanTa laga gulu mein