mazi ke KHayalat se rishta nahin mera

maazī ke ḳhayālāt se rishta nahīñ merā

bhūlī huī har baat se rishta nahīñ merā

behosh qadam le ke chale jaate haiñ mujh ko

varna to ḳharābāt se rishta nahīñ merā

us daur ke hālāt ko bhūlā nahīñ ab tak

is daur ke hālāt se rishta nahīñ merā

maiñ apne hī ashkoñ kā muhāfiz huuñ vagarna

be-vaqt kī barsāt se rishta nahīñ merā

vaañ shaad ho har koī yaañ afsurda nigāheñ

kuchh aise musāvāt se rishta nahīñ merā

maiñ fitna-e-imkān-e-samāvāt se hairāñ

duniyā ke ḳhurāfāt se rishta nahīñ merā

mujh ko mirī har ek 'ibādat se sarokār

lafzoñ ke savālāt se rishta nahīñ merā

apnoñ kā satāyā huuñ 'ḳhayāl' aaj bhī lekin

apnī hī kisī zaat se rishta nahīñ merā

mazi ke KHayalat se rishta nahin mera

bhuli hui har baat se rishta nahin mera

behosh qadam le ke chale jate hain mujh ko

warna to KHarabaat se rishta nahin mera

us daur ke haalat ko bhula nahin ab tak

is daur ke haalat se rishta nahin mera

main apne hi ashkon ka muhafiz hun wagarna

be-waqt ki barsat se rishta nahin mera

wan shad ho har koi yan afsurda nigahen

kuchh aise musawat se rishta nahin mera

main fitna-e-imkan-e-samawat se hairan

duniya ke KHurafat se rishta nahin mera

mujh ko meri har ek 'ibaadat se sarokar

lafzon ke sawalat se rishta nahin mera

apnon ka sataya hun 'KHayal' aaj bhi lekin

apni hi kisi zat se rishta nahin mera