madad ai zabt sham-e-zindagi lahrai jati hai

madad ai zabt sham-e-zindagī lahrā.ī jaatī hai

fuġhāñ ke saath khiñch kar jaañ laboñ par aa.ī jaatī hai

agar tū zindagī chāhe to jaañ nazr-e-vafā kar de

yahī vo jins-e-nādir hai jo kho kar paa.ī jaatī hai

dil-e-āshufta-sāmāñ bāryāb-e-anjuman kyoñ ho

ki us ke ranj se terī ḳhushī sharmā.ī jaatī hai

ḳhudā mahfūz rakkhe ham-navāyān-e-gulistāñ ko

tabī.at kyoñ qafas meñ ḳhud-baḳhud ghabrā.ī jaatī hai

dil-e-īzā-talab ko muzhda-e-ārām be-ma.anī

ye vo kashtī hai jo tūfān se Takrā.ī jaatī hai

ḳhudā nā-karda bijlī ne idhar dekhā to kyā hogā

shamīm-e-gul se shāḳh-e-āshiyāñ tharrā.ī jaatī hai

vo zabt-e-āh par ai 'faiz' mujh se bad-gumāñ kyoñ haiñ

nishān-e-ġham ḳhamoshī hai lihāzā paa.ī jaatī hai

madad ai zabt sham-e-zindagi lahrai jati hai

fughan ke sath khinch kar jaan labon par aai jati hai

agar tu zindagi chahe to jaan nazr-e-wafa kar de

yahi wo jins-e-nadir hai jo kho kar pai jati hai

dil-e-ashufta-saman baryab-e-anjuman kyon ho

ki us ke ranj se teri KHushi sharmai jati hai

KHuda mahfuz rakkhe ham-nawayan-e-gulistan ko

tabiat kyon qafas mein KHud-baKHud ghabrai jati hai

dil-e-iza-talab ko muzhda-e-aram be-mani

ye wo kashti hai jo tufan se Takrai jati hai

KHuda na-karda bijli ne idhar dekha to kya hoga

shamim-e-gul se shaKH-e-ashiyan tharrai jati hai

wo zabt-e-ah par ai 'faiz' mujh se bad-guman kyon hain

nishan-e-gham KHamoshi hai lihaza pai jati hai