madhoshiyon se kaam liya hai kabhi kabhi

mad.hoshiyoñ se kaam liyā hai kabhī kabhī

haath un kā ham ne thaam liyā hai kabhī kabhī

mai-kash bhulā sakeñge na saaqī kā ye karam

girtoñ ko us ne thaam liyā hai kabhī kabhī

saaqī ne jo pilā.ī hamārī hī thī ḳharīd

ham se bhī us ne daam liyā hai kabhī kabhī

kyā baat hai ki tark-e-ta.alluq ke bāvajūd

ham ne tumhārā naam liyā hai kabhī kabhī

ai fart-e-shauq ham ne tasavvur ke faiz se

nazzāra un kā aam liyā hai kabhī kabhī

Thukrātā kaise husn kī is pesh-kash ko maiñ

majbūr ho ke jaam liyā hai kabhī kabhī

dekhā kabhī nahīñ unheñ ai 'rāz' bazm meñ

jalva kanār-e-bām liyā hai kabhī kabhī

madhoshiyon se kaam liya hai kabhi kabhi

hath un ka hum ne tham liya hai kabhi kabhi

mai-kash bhula sakenge na saqi ka ye karam

girton ko us ne tham liya hai kabhi kabhi

saqi ne jo pilai hamari hi thi KHarid

hum se bhi us ne dam liya hai kabhi kabhi

kya baat hai ki tark-e-talluq ke bawajud

hum ne tumhaara nam liya hai kabhi kabhi

ai fart-e-shauq hum ne tasawwur ke faiz se

nazzara un ka aam liya hai kabhi kabhi

Thukraata kaise husn ki is pesh-kash ko main

majbur ho ke jam liya hai kabhi kabhi

dekha kabhi nahin unhen ai 'raaz' bazm mein

jalwa kanar-e-baam liya hai kabhi kabhi