magar in aankhon mein kis subh ke hawale the

magar in āñkhoñ meñ kis sub.h ke havāle the

hamāre naam ke saare hurūf kaale the

ye ḳhāk-o-bād ye zulmat-o-nūr-o-bahr-o-bar

kitāb-e-jāñ meñ ye kis zaat ke havāle the

hai rañg rañg magar āftāb ā.īna

jabīn-e-shab pe to likkhe savāl kaale the

misāl-e-barq girī ek aan teġh-e-havā

abhī darīchoñ se logoñ ne sar nikāle the

yahāñ jo aaj shajar sāya-dār hai 'muztar'

yahīñ pe ham bhī kabhī barg-o-bār vaale the

magar in aankhon mein kis subh ke hawale the

hamare nam ke sare huruf kale the

ye KHak-o-baad ye zulmat-o-nur-o-bahr-o-bar

kitab-e-jaan mein ye kis zat ke hawale the

hai rang rang magar aaftab aaina

jabin-e-shab pe to likkhe sawal kale the

misal-e-barq giri ek aan tegh-e-hawa

abhi darichon se logon ne sar nikale the

yahan jo aaj shajar saya-dar hai 'muztar'

yahin pe hum bhi kabhi barg-o-bar wale the