maghrur mohabbat ki jaza ras na aai

maġhrūr mohabbat kī jazā raas na aa.ī

chāhī thī jo ham ne vo vafā raas na aa.ī

ham ne to har ik hukm pe labbaik kahā thā

phir bhī use taslīm-o-razā raas na aa.ī

ruḳh moḌ liyā zaḳhm kī 'ādat ko lagā kar

mujh ko ye judā.ī bhī zarā raas na aa.ī

jaanā thā mujhe terī mohabbat se pare yuuñ

dekhā to mujhe ḳhud kī dashā raas na aa.ī

kyoñ 'ishq kī 'rahmān' ne ye raah chunī thī

phir us ko davā ho yā du'ā raas na aa.ī

maghrur mohabbat ki jaza ras na aai

chahi thi jo hum ne wo wafa ras na aai

hum ne to har ek hukm pe labbaik kaha tha

phir bhi use taslim-o-raza ras na aai

ruKH moD liya zaKHm ki 'adat ko laga kar

mujh ko ye judai bhi zara ras na aai

jaana tha mujhe teri mohabbat se pare yun

dekha to mujhe KHud ki dasha ras na aai

kyon 'ishq ki 'rahman' ne ye rah chuni thi

phir us ko dawa ho ya du'a ras na aai