mah-jabinon ki mohabbat ka natija na mila

mah-jabīnoñ kī mohabbat kā natīja na milā

murġhiyāñ pālīñ magar ek bhī anDā na milā

husn-e-ḳhud-bīñ na milā husn-e-ḳhud-ārā na milā

jab maiñ sasurāl gayā ek bhī saalā na milā

kis tarah jaatā koī manzil-e-maqsad kī taraf

koī yakka koī tāñga koī rickshaw na milā

nazar aayā na kahīñ nāseh-e-nādāñ merā

justujū jis kī thī vo miTTī kā babvā na milā

ab kī nākām rahā qā.id-e-mulk-o-millat

ab kī barbādi-e-aqvām kā Thekā na milā

shaiḳh-sāhib ke talavvun kā fusūñ hai ye bhī

masjidoñ meñ kabhī ik miTTī kā badhnā na milā

ai ġham-e-dost ziyāfat maiñ tirī kyā kartā

ek ḳhurāk se rāshan hī ziyāda na milā

laakh bāzār-e-mohabbat ke lagā.e phere

be-vaqūfī ke sivā aur koī saudā na milā

kis tarah se koī ta.amīr-e-nasheman kartā

kabhī sutlī na milī aur kabhī seThā na milā

dost kī shīrīñ-bayānī kā mazā kyā kahiye

aisī barfī kabhī aisā kabhī peḌā na milā

rakkhe hī rakkhe huī jins-e-karam sab barbād

ek bhūke ko magar paao bhar aaTā na milā

haath aa.egā na parvāna-e-jannat ai qaum

shaiḳh-sāhib ko agar halvā parāThā na milā

kis tarah se kisī tā'mīr kī hotī takmīl

vaqt par jab kabhī iiñTā kabhī gaarā na milā

aaj shamshīr-e-barahna vo liye phirte haiñ

jin ke ghar meñ kabhī ik baañs kā phaTTā na milā

mah-jabinon ki mohabbat ka natija na mila

murghiyan palin magar ek bhi anDa na mila

husn-e-KHud-bin na mila husn-e-KHud-ara na mila

jab main sasural gaya ek bhi sala na mila

kis tarah jata koi manzil-e-maqsad ki taraf

koi yakka koi tanga koi rickshaw na mila

nazar aaya na kahin naseh-e-nadan mera

justuju jis ki thi wo miTTi ka babwa na mila

ab ki nakaam raha qaid-e-mulk-o-millat

ab ki barbaadi-e-aqwam ka Theka na mila

shaiKH-sahib ke talawwun ka fusun hai ye bhi

masjidon mein kabhi ek miTTi ka badhna na mila

ai gham-e-dost ziyafat main teri kya karta

ek KHurak se rashan hi ziyaada na mila

lakh bazar-e-mohabbat ke lagae phere

be-waqufi ke siwa aur koi sauda na mila

kis tarah se koi tamir-e-nasheman karta

kabhi sutli na mili aur kabhi seTha na mila

dost ki shirin-bayani ka maza kya kahiye

aisi barfi kabhi aisa kabhi peDa na mila

rakkhe hi rakkhe hui jins-e-karam sab barbaad

ek bhuke ko magar pao bhar aaTa na mila

hath aaega na parwana-e-jannat ai qaum

shaiKH-sahib ko agar halwa paraTha na mila

kis tarah se kisi ta'mir ki hoti takmil

waqt par jab kabhi inTa kabhi gara na mila

aaj shamshir-e-barahna wo liye phirte hain

jin ke ghar mein kabhi ek bans ka phaTTa na mila