mah-o-nujum pe Dali kamand logon ne

mah-o-nujūm pe Daalī kamand logoñ ne

kiyā ye ḳhud ko bahut sar-buland logoñ ne

nizām-e-husn-e-chaman ke vaqār kī ḳhātir

ba-sad ḳhulūs sahe haiñ gazand logoñ ne

vafā kā naam sabhī kī zabāñ pe thā lekin

vafā ke naam pe dī jaan chand logoñ ne

samā.atoñ ke darīche khuleñ to kis ke liye

sadā.eñ kar lī haiñ sīnoñ meñ band logoñ ne

zamīñ kā rizq the āḳhir zamīñ ke ho ke rahe

hazār baar lagā.ī zaqand logoñ ne

halāvateñ tire lab kī dikhā ga.ī haiñ kamāl

sam-e-hayāt ko samjhā hai qand logoñ ne

sukūt-e-shab meñ bhalā kis tarah sadā aa.e

laboñ ko kar liyā 'sajjād' band logoñ ne

mah-o-nujum pe Dali kamand logon ne

kiya ye KHud ko bahut sar-buland logon ne

nizam-e-husn-e-chaman ke waqar ki KHatir

ba-sad KHulus sahe hain gazand logon ne

wafa ka nam sabhi ki zaban pe tha lekin

wafa ke nam pe di jaan chand logon ne

samaaton ke dariche khulen to kis ke liye

sadaen kar li hain sinon mein band logon ne

zamin ka rizq the aaKHir zamin ke ho ke rahe

hazar bar lagai zaqand logon ne

halawaten tere lab ki dikha gai hain kamal

sam-e-hayat ko samjha hai qand logon ne

sukut-e-shab mein bhala kis tarah sada aae

labon ko kar liya 'sajjad' band logon ne