mahakte phul jo har-su nazar mein rakhta hai

mahakte phuul jo har-sū nazar meñ rakhtā hai

vo shaḳhs apnī udāsī ko ghar meñ rakhtā hai

isī liye to bulandī hai us ke zer-e-qadam

hunar uḌaan ke vo bāl-o-par meñ rakhtā hai

hameñ to pyaar se dam bhar kī bhī nahīñ fursat

tirā jigar hai jo nafrat jigar meñ rakhtā hai

har ek rāhguzar us kī kyoñ na ho raushan

tirā ḳhayāl jo apne safar meñ rakhtā hai

isī liye hī mujhe ḳhūbiyāñ huiiñ hāsil

vo merī ḳhāmiyāñ apnī nazar meñ rakhtā hai

badal hī degā muqaddar kī sab lakīroñ ko

vo e'timād jo dast-e-hunar meñ rakhtā hai

'zahīn' faisle us par hī chhoḌ de saare

tū baat baat ko kyoñ ḳhair-o-shar meñ rakhtā hai

mahakte phul jo har-su nazar mein rakhta hai

wo shaKHs apni udasi ko ghar mein rakhta hai

isi liye to bulandi hai us ke zer-e-qadam

hunar uDan ke wo baal-o-par mein rakhta hai

hamein to pyar se dam bhar ki bhi nahin fursat

tera jigar hai jo nafrat jigar mein rakhta hai

har ek rahguzar us ki kyon na ho raushan

tera KHayal jo apne safar mein rakhta hai

isi liye hi mujhe KHubiyan huin hasil

wo meri KHamiyan apni nazar mein rakhta hai

badal hi dega muqaddar ki sab lakiron ko

wo e'timad jo dast-e-hunar mein rakhta hai

'zahin' faisle us par hi chhoD de sare

tu baat baat ko kyon KHair-o-shar mein rakhta hai