mahakti zulf ke qisse to dastan se gae

mahaktī zulf ke qisse to dāstāñ se ga.e

vo silsile tire hamrāh darmiyāñ se ga.e

hamārā hashr bhī aisā hī hai tujhe kho kar

sitāre TuuT ke jaise ki āsmāñ se ga.e

havā uḌā ke kahāñ le ga.ī ḳhudā jaane

mileñge us se kabhī ab to is gumāñ se ga.e

na jaane kaun sī ummīd pe maiñ jiitā huuñ

ki mere chāhne vaale to is jahāñ se ga.e

ye apnī shūmī-e-qismat ki duur haiñ varna

na ham vafā se ga.e haiñ na tum zabāñ se ga.e

mahakti zulf ke qisse to dastan se gae

wo silsile tere hamrah darmiyan se gae

hamara hashr bhi aisa hi hai tujhe kho kar

sitare TuT ke jaise ki aasman se gae

hawa uDa ke kahan le gai KHuda jaane

milenge us se kabhi ab to is guman se gae

na jaane kaun si ummid pe main jita hun

ki mere chahne wale to is jahan se gae

ye apni shumi-e-qismat ki dur hain warna

na hum wafa se gae hain na tum zaban se gae