mahfil mein ehtiyat se lab apne kholiye

mahfil meñ ehtiyāt se lab apne kholiye

utre jo dil meñ baat vahī baat boliye

ham dil-jaloñ se is kā sabab kuchh na pūchhiye

jī chāhā muskurā diye jī chāhā ro liye

Dar thā ki soz-e-ġham se na sho.ale bhaḌak uTheñ

ro.e haiñ is qadar ki garebāñ bhigo liye

auroñ se pūchhiye na pata lā-makān kā

jab DhūñDhnā hī Thahrā to dil meñ TaToliye

isyāñ kā daaġh merī jabīñ se na miT sakā

dāman pe jo sharāb ke dhabbe the dho liye

mahfil mein ehtiyat se lab apne kholiye

utre jo dil mein baat wahi baat boliye

hum dil-jalon se is ka sabab kuchh na puchhiye

ji chaha muskura diye ji chaha ro liye

Dar tha ki soz-e-gham se na shoale bhaDak uThen

roe hain is qadar ki gareban bhigo liye

auron se puchhiye na pata la-makan ka

jab DhunDhna hi Thahra to dil mein TaToliye

isyan ka dagh meri jabin se na miT saka

daman pe jo sharab ke dhabbe the dho liye