mahke jab raat-ki-rani to mujhe KHat likhna

mahke jab rāt-kī-rānī to mujhe ḳhat likhnā

choT ubhar aa.e purānī to mujhe ḳhat likhnā

kuchh na kah saknā zabānī to mujhe ḳhat likhnā

jab ho ashkoñ meñ ravānī to mujhe ḳhat likhnā

chehra paḌh letā huuñ maiñ aate hue mausam kā

koī rut aa.e suhānī to mujhe ḳhat likhnā

chup hai andāz-e-nigārish to koī baat nahīñ

bol uTheñ lafz-o-ma.ānī to mujhe ḳhat likhnā

maiñ huuñ lamhoñ ko kasauTī pe parakhne vaalā

vaqt ho sone kā paanī to mujhe ḳhat likhnā

ban ke aa jā.ūñgā pañkhe kā hasīñ shahzāda

sunñā pariyoñ kī kahānī to mujhe ḳhat likhnā

kabhī va.ade kā hasīñ phuul diyā thā tum ne

yaad aa.e vo nishānī to mujhe ḳhat likhnā

phuul ke zaḳhmoñ kī tasvīr tumheñ bhejūñgā

kabhī mausam jo ho dhānī to mujhe ḳhat likhnā

mahke jab raat-ki-rani to mujhe KHat likhna

choT ubhar aae purani to mujhe KHat likhna

kuchh na kah sakna zabani to mujhe KHat likhna

jab ho ashkon mein rawani to mujhe KHat likhna

chehra paDh leta hun main aate hue mausam ka

koi rut aae suhani to mujhe KHat likhna

chup hai andaz-e-nigarish to koi baat nahin

bol uThen lafz-o-maani to mujhe KHat likhna

main hun lamhon ko kasauTi pe parakhne wala

waqt ho sone ka pani to mujhe KHat likhna

ban ke aa jaunga pankhe ka hasin shahzada

sunna pariyon ki kahani to mujhe KHat likhna

kabhi wade ka hasin phul diya tha tum ne

yaad aae wo nishani to mujhe KHat likhna

phul ke zaKHmon ki taswir tumhein bhejunga

kabhi mausam jo ho dhani to mujhe KHat likhna