mahrumiyat hai karb hai hasrat hai aur hum

mahrūmiyat hai karb hai hasrat hai aur ham

is shahr meñ muqīm qayāmat hai aur ham

barsoñ guzar ga.e haiñ ḳhatā ham ne kī thī ek

tanhā.iyāñ haiñ ashk-e-nadāmat hai aur ham

daur-e-ḳhirad meñ fikr hī apnī asaas hai

māyūsiyoñ kī god hai zulmat hai aur ham

ghar meñ qiyām kartī hai vīrānī-e-hayāt

bāhar hamāre zabt kī shohrat hai aur ham

āġhāz kab huā thā safar kā nahīñ pata

gard-e-rah-e-junūñ hai sa.ūbat hai aur ham

'jāmī' hudūd-e-shām-o-sahar meñ haiñ jab talak

logoñ kī phabtiyāñ haiñ hiqārat hai aur ham

mahrumiyat hai karb hai hasrat hai aur hum

is shahr mein muqim qayamat hai aur hum

barson guzar gae hain KHata hum ne ki thi ek

tanhaiyan hain ashk-e-nadamat hai aur hum

daur-e-KHirad mein fikr hi apni asas hai

mayusiyon ki god hai zulmat hai aur hum

ghar mein qiyam karti hai virani-e-hayat

bahar hamare zabt ki shohrat hai aur hum

aaghaz kab hua tha safar ka nahin pata

gard-e-rah-e-junun hai saubat hai aur hum

'jami' hudud-e-sham-o-sahar mein hain jab talak

logon ki phabtiyan hain hiqarat hai aur hum