mahrumiyon ne waqt pe ilzam rakh diya
mahrūmiyoñ ne vaqt pe ilzām rakh diyā
mushkil kā naam gardish-e-ayyām rakh diyā
ghar ke diye pe mujh ko havāoñ kā ḳhauf thā
dil kā diyā jalā ke sar-e-shām rakh diyā
mahsūs jab huā ki use bhūlne lage
ham ne uThā ke taaq meñ phir jaam rakh diyā
us sang-dil ne ḳhvāhish-e-dīdār par mirī
patthar uThā ke ek lab-e-bām rakh diyā
'nāsir' ko kuchh laqab to mile aap se huzūr
majnūñ to ik jahāñ ne mirā naam rakh diyā
mahrumiyon ne waqt pe ilzam rakh diya
mushkil ka nam gardish-e-ayyam rakh diya
ghar ke diye pe mujh ko hawaon ka KHauf tha
dil ka diya jala ke sar-e-sham rakh diya
mahsus jab hua ki use bhulne lage
hum ne uTha ke taq mein phir jam rakh diya
us sang-dil ne KHwahish-e-didar par meri
patthar uTha ke ek lab-e-baam rakh diya
'nasir' ko kuchh laqab to mile aap se huzur
majnun to ek jahan ne mera nam rakh diya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
