mahtabon ka tu shahzada mere sath andhere hain

mahtāboñ kā tū shahzāda mere saath añdhere haiñ

shahr-o-shabistāñ tere haiñ sahrā-o-bayābāñ mere haiñ

mere ujḌe dil meñ adhūre armānoñ ke Dere haiñ

jāgtī āñkhoñ meñ jaise TuuTe sapnoñ ke ghere haiñ

be-mafhūmī dhuñdle paikar bikhre bikhre ḳhvāb-o-ḳhayāl

apnī bāhoñ ke halqe meñ jaise mujh ko ghere haiñ

dhuup kī chādar ke nīche sirf apne badan kā saaya hai

ḳhemoñ ke jangal meñ kahne ko Dere to bahutere haiñ

kis se dil kī baat karūñ maiñ ro-ro chup rah jaatā huuñ

bikhrā kamra Dastī rāteñ sannāToñ ke Dere haiñ

lafzoñ kī bohtāt se yuuñ to mushkil hai pahchān karūñ

bātoñ se to 'shams' hai lagtā jaise sab hī mere haiñ

mahtabon ka tu shahzada mere sath andhere hain

shahr-o-shabistan tere hain sahra-o-bayaban mere hain

mere ujDe dil mein adhure armanon ke Dere hain

jagti aankhon mein jaise TuTe sapnon ke ghere hain

be-mafhumi dhundle paikar bikhre bikhre KHwab-o-KHayal

apni bahon ke halqe mein jaise mujh ko ghere hain

dhup ki chadar ke niche sirf apne badan ka saya hai

KHemon ke jangal mein kahne ko Dere to bahutere hain

kis se dil ki baat karun main ro-ro chup rah jata hun

bikhra kamra Dasti raaten sannaTon ke Dere hain

lafzon ki bohtat se yun to mushkil hai pahchan karun

baaton se to 'shams' hai lagta jaise sab hi mere hain