mai-kade viran raaton ke hawale ho gae

mai-kade vīrān rātoñ ke havāle ho ga.e

kaise kaise log ab allāh vaale ho ga.e

jab tumhāre bachchoñ ne bhī haath hī phailā diye

rāste ke is liye tum ḳhud nivāle ho ga.e

tum ne dekhā hī nahīñ un ghar jalāne vāloñ ko

zulmateñ itnī baḌhīñ raushan ujāle ho ga.e

terī ulfat meñ bahut bhaTkā huuñ maiñ to rāt-din

tere dil ke rāste sab dekhe-bhāle ho ga.e

jin ke chehre par hamesha jhuuT kī bārish rahī

vaqt aisā hai vahī ab baat vaale ho ga.e

tere yāroñ ne tujhe kyoñ vaqt pe dhoka diyā

kyā bas itnī baat hai vo paise vaale ho ga.e

kar rahe ho kyoñ ishāre mujh ko itnī duur se

rang ujle haiñ magar ye dil ke kaale ho ga.e

kyā ḳhabar thī ham ko bhī vo itne bhole-bhāle haiñ

pair meñ uljhe hue makḌī ke jaale ho ga.e

tū ne ye lambā safar tanhā guzārā kis liye

itnī duurī se mire pairoñ meñ chhāle ho ga.e

mai-kade viran raaton ke hawale ho gae

kaise kaise log ab allah wale ho gae

jab tumhaare bachchon ne bhi hath hi phaila diye

raste ke is liye tum KHud niwale ho gae

tum ne dekha hi nahin un ghar jalane walon ko

zulmaten itni baDhin raushan ujale ho gae

teri ulfat mein bahut bhaTka hun main to raat-din

tere dil ke raste sab dekhe-bhaale ho gae

jin ke chehre par hamesha jhuT ki barish rahi

waqt aisa hai wahi ab baat wale ho gae

tere yaron ne tujhe kyon waqt pe dhoka diya

kya bas itni baat hai wo paise wale ho gae

kar rahe ho kyon ishaare mujh ko itni dur se

rang ujle hain magar ye dil ke kale ho gae

kya KHabar thi hum ko bhi wo itne bhole-bhaale hain

pair mein uljhe hue makDi ke jale ho gae

tu ne ye lamba safar tanha guzara kis liye

itni duri se mere pairon mein chhaale ho gae