mai-kasho dekho KHabar-dar jahan hai shisha

mai-kasho dekho ḳhabar-dār jahāñ hai shīsha

dil nāzuk hai mirā haa.e kahāñ hai shīsha

ashk aur aah se ab bazm meñ merī tujh bin

jaam labrez hai aur shoa.la-fishāñ hai shīsha

chashm-e-zāhir se na kar shaiḳh tū inkār-e-sharāb

hai parī-ḳhāna nihāñ garche ayaañ hai shīsha

tujh ko ma.alūm hai kyā hai ye baġhal meñ merī

naqsh jo bā.is-e-tasḳhīr bayāñ hai shīsha

dil-e-nāzuk pe mire sañg-dilī par terī

jaam ḳhūñ-bār hai aur lab pe fuġhāñ hai shīsha

mai-kasho dekho KHabar-dar jahan hai shisha

dil nazuk hai mera hae kahan hai shisha

ashk aur aah se ab bazm mein meri tujh bin

jam labrez hai aur shoala-fishan hai shisha

chashm-e-zahir se na kar shaiKH tu inkar-e-sharab

hai pari-KHana nihan garche ayan hai shisha

tujh ko malum hai kya hai ye baghal mein meri

naqsh jo bais-e-tasKHir bayan hai shisha

dil-e-nazuk pe mere sang-dili par teri

jam KHun-bar hai aur lab pe fughan hai shisha