mai-pash nigahon se masti si chura laya

mai-pāsh nigāhoñ se mastī sī churā laayā

bā-hosh rahā lekin mad.hosh nazar aaya

ādāb-e-vafādārī qaa.em to rahī apnī

har zulm-o-jafā sah kar hoñToñ pe kahāñ laayā

ḳhud.dār tabī.at thī kaise ye machal jaatī

kamzor sahāroñ ko har moḌ pe Thukrāyā

āñkhoñ se gire aañsū tauhīn-e-mohabbat hai

dil toḌ ke duniyā ne kyā ḳhuub ye samjhāyā

ham kis ko kaheñ apnā ham ġhair kise samjheñ

ġham-ḳhvār kahāñ koī duniyā meñ nazar aaya

hamrāz banāyā thā mil jaa.e sukūñ shāyad

kuchh aur baḌhī uljhan kuchh aur maiñ pachhtāyā

nākām-e-mohabbat ko har baat garāñ guzrī

itnā vo hue barham jitnā unheñ samjhāyā

āġhosh-e-bahārāñ meñ phir umr kaTe apnī

in reshmī zulfoñ kā mil jaa.e agar saayā

fankār kī nazroñ meñ fan aur nikhartā hai

fankār kahīñ 'nayyar' tanqīd se ghabrāyā

mai-pash nigahon se masti si chura laya

ba-hosh raha lekin madhosh nazar aaya

aadab-e-wafadari qaem to rahi apni

har zulm-o-jafa sah kar honTon pe kahan laya

KHuddar tabiat thi kaise ye machal jati

kamzor sahaaron ko har moD pe Thukraya

aankhon se gire aansu tauhin-e-mohabbat hai

dil toD ke duniya ne kya KHub ye samjhaya

hum kis ko kahen apna hum ghair kise samjhen

gham-KHwar kahan koi duniya mein nazar aaya

hamraaz banaya tha mil jae sukun shayad

kuchh aur baDhi uljhan kuchh aur main pachhtaya

nakaam-e-mohabbat ko har baat garan guzri

itna wo hue barham jitna unhen samjhaya

aaghosh-e-bahaaran mein phir umr kaTe apni

in reshmi zulfon ka mil jae agar saya

fankar ki nazron mein fan aur nikharta hai

fankar kahin 'nayyar' tanqid se ghabraya