main agar fikr ke shah-par se alag ho jaun
maiñ agar fikr ke shah-par se alag ho jā.ūñ
apne andar ke suḳhanvar se alag ho jā.ūñ
aa.ina gard se bātil kī nikal aa.egā
haq kī tā.īd meñ lashkar se alag ho jā.ūñ
āsmāñ bhī nahīñ ro.egā lahū ke aañsū
maiñ agar shaam ke manzar se alag ho jā.ūñ
tapte sahrā kī zamīñ ko bhī zarūrat hai mirī
lekin ab kaise samundar se alag ho jā.ūñ
zalzale itne mirī zaat meñ poshīda haiñ
ye bhī mumkin hai ki mehvar se alag ho jā.ūñ
baañT lenā kabhī taqsīm na karnā mujh ko
ye na hogā ki barābar se alag ho jā.ūñ
main agar fikr ke shah-par se alag ho jaun
apne andar ke suKHanwar se alag ho jaun
aaina gard se baatil ki nikal aaega
haq ki taid mein lashkar se alag ho jaun
aasman bhi nahin roega lahu ke aansu
main agar sham ke manzar se alag ho jaun
tapte sahra ki zamin ko bhi zarurat hai meri
lekin ab kaise samundar se alag ho jaun
zalzale itne meri zat mein poshida hain
ye bhi mumkin hai ki mehwar se alag ho jaun
banT lena kabhi taqsim na karna mujh ko
ye na hoga ki barabar se alag ho jaun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
