main apne KHwabon mein ek ghar pighalte dekhta hun

maiñ apne ḳhvāboñ meñ ik ghar pighalte dekhtā huuñ

jo jaag jā.ūñ to manzar pighalte dekhtā huuñ

kabhī zamīñ kabhī ambar pighalte dekhtā huuñ

ajab hai ḳhvāb samundar pighalte dekhtā huuñ

jo apnī palkoñ se motī tarāshtā thā kabhī

ab us kī āñkhoñ meñ ḳhanjar pighalte dekhtā huuñ

jo tum dikhāte ho gardūñ pe raushnī kī lakīr

maiñ us sitāre ko aksar pighalte dekhtā huuñ

faqat anā mirī dushman hai is zamāne meñ

vagarna pyaar se patthar pighalte dekhtā huuñ

vo jis ke naam se miltā thā kuchh sukūñ dil ko

ab us kī bātoñ se ye sar pighalte dekhtā huuñ

zamīn-e-dil kī shagāfoñ meñ aaj bhī 'shārib'

bas ek laavā sā andar pighalte dekhtā huuñ

main apne KHwabon mein ek ghar pighalte dekhta hun

jo jag jaun to manzar pighalte dekhta hun

kabhi zamin kabhi ambar pighalte dekhta hun

ajab hai KHwab samundar pighalte dekhta hun

jo apni palkon se moti tarashta tha kabhi

ab us ki aankhon mein KHanjar pighalte dekhta hun

jo tum dikhate ho gardun pe raushni ki lakir

main us sitare ko aksar pighalte dekhta hun

faqat ana meri dushman hai is zamane mein

wagarna pyar se patthar pighalte dekhta hun

wo jis ke nam se milta tha kuchh sukun dil ko

ab us ki baaton se ye sar pighalte dekhta hun

zamin-e-dil ki shagafon mein aaj bhi 'shaarib'

bas ek lawa sa andar pighalte dekhta hun