main apne ru-e-haqiqat ko kho nahin sakta
maiñ apne rū-e-haqīqat ko kho nahīñ saktā
vo ḳhvāb dekh liyā hai ki so nahīñ saktā
tamām paikar-e-bad-sūratī hai mard kī zaat
mujhe yaqīñ hai ḳhudā mard ho nahīñ saktā
ab apnā ġhair hī ho luuñ ki koī raah khule
jo honā chāhtā huuñ vo to ho nahīñ saktā
baḌā sahī pa hai nā-jins āsmān kā biij
ise maiñ apnī zamīnoñ meñ bo nahīñ saktā
phañse hue haiñ ḳhud apnī hī bhiiḌ meñ aañsū
maiñ ronā chāhtā huuñ aur ro nahīñ saktā
tum apne jism ke kuchh to charāġh gul kar do
maiñ raushnī huuñ ziyāda to so nahīñ saktā
tumhāre zaḳhm haiñ 'ehsās' aur miTTī ke
maiñ āñsuoñ se to ye zaḳhm dho nahīñ saktā
main apne ru-e-haqiqat ko kho nahin sakta
wo KHwab dekh liya hai ki so nahin sakta
tamam paikar-e-bad-surati hai mard ki zat
mujhe yaqin hai KHuda mard ho nahin sakta
ab apna ghair hi ho lun ki koi rah khule
jo hona chahta hun wo to ho nahin sakta
baDa sahi pa hai na-jins aasman ka bij
ise main apni zaminon mein bo nahin sakta
phanse hue hain KHud apni hi bhiD mein aansu
main rona chahta hun aur ro nahin sakta
tum apne jism ke kuchh to charagh gul kar do
main raushni hun ziyaada to so nahin sakta
tumhaare zaKHm hain 'ehsas' aur miTTi ke
main aansuon se to ye zaKHm dho nahin sakta
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
