main apne waste rasta naya nikalta hun

maiñ apne vāste rasta nayā nikāltā huuñ

dalīl-e-sher meñ thoḌā sā kashf Dāltā huuñ

bahut satāyā huā huuñ la.iim duniyā kā

saḳhī huuñ dil kī purānī ḳhalish nikāltā huuñ

zamāna kyā hai kabhī man kī mauj meñ aa.uuñ

to nok-e-naqsh pe apnī use uchhāltā huuñ

ye merā kunj-e-makāñ merā qasr-e-ālī hai

maiñ apnā sikka-e-rā.ej yahīñ pe Dhāltā huuñ

mirī ġhazal meñ zan-o-mard jaise bāham hoñ

ise jalāltā huuñ phir ise jamāltā huuñ

zarā paḌheñ to mirī iḳhtiyār meñ na raheñ

ye naunihāl jinheñ mushkiloñ se pāltā huuñ

main apne waste rasta naya nikalta hun

dalil-e-sher mein thoDa sa kashf Dalta hun

bahut sataya hua hun laim duniya ka

saKHi hun dil ki purani KHalish nikalta hun

zamana kya hai kabhi man ki mauj mein aaun

to nok-e-naqsh pe apni use uchhaalta hun

ye mera kunj-e-makan mera qasr-e-ali hai

main apna sikka-e-raej yahin pe Dhaalta hun

meri ghazal mein zan-o-mard jaise baham hon

ise jalalta hun phir ise jamalta hun

zara paDhen to meri iKHtiyar mein na rahen

ye naunihaal jinhen mushkilon se palta hun