main asir hun teri aankh ka ye nashat-e-habs-e-dawam hai

maiñ asiir huuñ tirī aañkh kā ye nashāt-e-habs-e-davām hai

yahāñ ab mashaqqat-e-'ishq hai ye mirī pasand kā kaam hai

vo hasīn jis se zabān kā nahīñ rābta hai nigāh kā

vahāñ jagmagāte ishāre haiñ vahāñ raushnī kā ḳhirām hai

maiñ sharāb piitā zarūr huuñ magar apne mere usuul haiñ

mirā ham-piyāla jo tū nahīñ mujhe ek buuñd harām hai

use raas aa ga.ī ye fazā mirā ghar to ban gayā gulsitāñ

mire dil meñ nik.hat-o-rang hai yahāñ sarḳhushī kā qiyām hai

mire she'r us ne sunā.e the ki jo ḳhud mujhe bhī na yaad the

mire naġhmoñ kā hai ye mā-hasal use yaad merā kalām hai

use paḌh ke hosh mire uḌe maiñ 'suhail' ab nahīñ vo jo thā

ye shu’ūr-e-husn ne hai likhā ye bahut balīġh payām hai

main asir hun teri aankh ka ye nashat-e-habs-e-dawam hai

yahan ab mashaqqat-e-'ishq hai ye meri pasand ka kaam hai

wo hasin jis se zaban ka nahin rabta hai nigah ka

wahan jagmagate ishaare hain wahan raushni ka KHiram hai

main sharab pita zarur hun magar apne mere usul hain

mera ham-piyala jo tu nahin mujhe ek bund haram hai

use ras aa gai ye faza mera ghar to ban gaya gulsitan

mere dil mein nikhat-o-rang hai yahan sarKHushi ka qiyam hai

mere she'r us ne sunae the ki jo KHud mujhe bhi na yaad the

mere naghmon ka hai ye ma-hasal use yaad mera kalam hai

use paDh ke hosh mere uDe main 'suhail' ab nahin wo jo tha

ye shu’ur-e-husn ne hai likha ye bahut baligh payam hai