main bhi insan tu bhi insan farq magar itna sa hai

maiñ bhī insāñ tū bhī insāñ farq magar itnā sā hai

mujh ko gahrī choT lagī hai tū ne patthar maarā hai

jo bhī paayā is duniyā se bhiik kī sūrat paayā hai

saarī umr kī mahrūmī ne jab dāman phailāyā hai

ik qatra dariyā kī daulat ik qatra palkoñ kā dhan

chāroñ taraf vajūd-e-ādam āsmān se ūñchā hai

mujh ko chhū kar jism pahan lete haiñ jis ke ḳhadd-o-ḳhāl

vo har dam mere saa.e se ruuh bachā kar chaltā hai

ġhaur karo to in donoñ meñ aisā koī farq nahīñ

ḳhushiyāñ bhī jī kar dekhī haiñ ġham bhī chhū kar dekhā hai

is bastī meñ DhūñDne niklā jab apne-pan ke saa.e

jism milā bāhar se TuuTā dil andar se bikhrā hai

aate jaate tham jaatī hai aksar qadmoñ kī aahaT

andar kī jānib hī ghar kā har darvāza khultā hai

us se koī baat na kiije bas us kī sunte rahiye

jis ne āñkheñ muuñd ke jalte sūraj ko jhuThlāyā hai

jaane kyā kyā piinā paḌtā hai barsātoñ ko 'parvāz'

tab jā kar banjar dhartī par koī parbat ugtā hai

main bhi insan tu bhi insan farq magar itna sa hai

mujh ko gahri choT lagi hai tu ne patthar mara hai

jo bhi paya is duniya se bhik ki surat paya hai

sari umr ki mahrumi ne jab daman phailaya hai

ek qatra dariya ki daulat ek qatra palkon ka dhan

chaaron taraf wajud-e-adam aasman se uncha hai

mujh ko chhu kar jism pahan lete hain jis ke KHadd-o-KHal

wo har dam mere sae se ruh bacha kar chalta hai

ghaur karo to in donon mein aisa koi farq nahin

KHushiyan bhi ji kar dekhi hain gham bhi chhu kar dekha hai

is basti mein DhunDne nikla jab apne-pan ke sae

jism mila bahar se TuTa dil andar se bikhra hai

aate jate tham jati hai aksar qadmon ki aahaT

andar ki jaanib hi ghar ka har darwaza khulta hai

us se koi baat na kije bas us ki sunte rahiye

jis ne aankhen mund ke jalte suraj ko jhuThlaya hai

jaane kya kya pina paDta hai barsaton ko 'parwaz'

tab ja kar banjar dharti par koi parbat ugta hai