main bhi mushkil se uTha rashk bhi mushkil se uTha

maiñ bhī mushkil se uThā rashk bhī mushkil se uThā

dil vahīñ baiTh gayā jab tirī mahfil se uThā

terī mahfil ke alāva koī aalam hī nahīñ

vo kahīñ kā na rahā jo tirī mahfil se uThā

mushkileñ merī mohabbat kī ilāhī tauba

un ke kūche se janāza bhī to mushkil se uThā

aap meñ aane kī phir koī jihat hī na rahī

maiñ tirī bazm se jab tere muqābil se uThā

ain dariyā kā talātum to rahā sāhil tak

ho gayā qahr vo tūfān jo sāhil se uThā

Dagmagānā thā idhar pā-e-talab kā bismil

shor-e-labbaik idhar jānib-e-manzil se uThā

main bhi mushkil se uTha rashk bhi mushkil se uTha

dil wahin baiTh gaya jab teri mahfil se uTha

teri mahfil ke alawa koi aalam hi nahin

wo kahin ka na raha jo teri mahfil se uTha

mushkilen meri mohabbat ki ilahi tauba

un ke kuche se janaza bhi to mushkil se uTha

aap mein aane ki phir koi jihat hi na rahi

main teri bazm se jab tere muqabil se uTha

ain dariya ka talatum to raha sahil tak

ho gaya qahr wo tufan jo sahil se uTha

Dagmagana tha idhar pa-e-talab ka bismil

shor-e-labbaik idhar jaanib-e-manzil se uTha