main chahta hun sabhi sitamgar ki sab KHataon ko chhoD dena

maiñ chāhtā huuñ sabhī sitamgar kī sab ḳhatāoñ ko chhoḌ denā

maiñ chāhtā huuñ na.e safar meñ guzishta lamhoñ ko chhoḌ denā

agarche tum ye samajh sako ki hamāre dukh kā ilaaj kyā hai

baheliye se rihā karā ke sabhī parindoñ ko chhoḌ denā

agar milo tum kahīñ bhī un se to phir mohabbat meñ farz hai ye

udaas māthe ko chuum lenā hasīn hoñThoñ ko chhoḌ denā

tumheñ ijāzat nahīñ hai gar ye ki us kī bāñhoñ meñ ro sako tum

to phir tumhārā nahīñ hai ghar vo tum un makānoñ ko chhoḌ denā

hamāre kamre se ab haTā do sabhī nisāboñ kī ye kitābeñ

kahīñ jo dikh jaa.eñ 'mīr'-o-'ġhālib' to un kitāboñ ko chhoḌ denā

hatheliyoñ se jabīñ talak tum hazār bose to maañg lenā

nadī kināre hī sair karnā par us kī lahroñ ko chhoḌ denā

tumhārī yādeñ agar jo chhūTīñ to phir samajhnā ki saañs chhūTī

magar hamārī hai ek ḳhvāhish tumhārī yādoñ ko chhoḌ denā

main chahta hun sabhi sitamgar ki sab KHataon ko chhoD dena

main chahta hun nae safar mein guzishta lamhon ko chhoD dena

agarche tum ye samajh sako ki hamare dukh ka ilaj kya hai

baheliye se riha kara ke sabhi parindon ko chhoD dena

agar milo tum kahin bhi un se to phir mohabbat mein farz hai ye

udas mathe ko chum lena hasin honThon ko chhoD dena

tumhein ijazat nahin hai gar ye ki us ki banhon mein ro sako tum

to phir tumhaara nahin hai ghar wo tum un makanon ko chhoD dena

hamare kamre se ab haTa do sabhi nisabon ki ye kitaben

kahin jo dikh jaen 'mir'-o-'ghaalib' to un kitabon ko chhoD dena

hatheliyon se jabin talak tum hazar bose to mang lena

nadi kinare hi sair karna par us ki lahron ko chhoD dena

tumhaari yaaden agar jo chhuTin to phir samajhna ki sans chhuTi

magar hamari hai ek KHwahish tumhaari yaadon ko chhoD dena