main chup rahun to bhi andar pukarta hai koi

maiñ chup rahūñ to bhī andar pukārtā hai koī

mire ġhurūr kī pagḌī utārtā hai koī

maiñ jab bhī maañ ke tasavvur meñ Duub jaatā huuñ

nazar ke sāmne bāñheñ pasārtā hai koī

mire amal se muqaddar agar bigaḌ jaa.e

ḳhudā ke fazl se qismat sañvārtā hai koī

ajiib shaḳhs hai har baar jiit jaatā hai

ki jiit kar bhī zamāne meñ hārtā hai koī

tamām din to guzartā hai ġham kī chaukhaT par

ki chhat se raat meñ taare shumārtā hai koī

milī hai zindagī mil-jul ke saath rah lete

tamām umr kyoñ tanhā guzārtā hai koī

laboñ pe zikr-e-ḳhudā maiñ sajā.e rakhtā huuñ

maiñ Duub jā.ūñ to mujh ko ubhārtā hai koī

har ek raah munavvar dikhā.ī de 'sānī'

tire vajūd kā sadqa utārtā hai koī

main chup rahun to bhi andar pukarta hai koi

mere ghurur ki pagDi utarta hai koi

main jab bhi man ke tasawwur mein Dub jata hun

nazar ke samne banhen pasarta hai koi

mere amal se muqaddar agar bigaD jae

KHuda ke fazl se qismat sanwarta hai koi

ajib shaKHs hai har bar jit jata hai

ki jit kar bhi zamane mein haarta hai koi

tamam din to guzarta hai gham ki chaukhaT par

ki chhat se raat mein tare shumarta hai koi

mili hai zindagi mil-jul ke sath rah lete

tamam umr kyon tanha guzarta hai koi

labon pe zikr-e-KHuda main sajae rakhta hun

main Dub jaun to mujh ko ubhaarta hai koi

har ek rah munawwar dikhai de 'sani'

tere wajud ka sadqa utarta hai koi