main daraKHton ko sunata hun kahani dil ki

maiñ daraḳhtoñ ko sunātā huuñ kahānī dil kī

aur phir vo bhī mire dost zabānī dil kī

khelte khelte duniyā se guzar jā.eñge

apne bachpan kī taraf le ke nishānī dil kī

jab bhī aatī hai tirī yaad khule āñgan meñ

baiTh jaatā huuñ liye shoḳh javānī dil kī

mujh ko sāhil pe khaḌā dekh ke irshād kiyā

paas aa tujh ko sunātā huuñ kahānī dil kī

dasht meñ phuul ugāne kī tamanna le kar

kyoñ mire saath huī naql-e-makānī dil kī

vo bhī uḌte haiñ mire naqsh-e-kaf-e-pā kī tarah

bhuul jaatī hai jinheñ baat batānī dil kī

kaash is baste se nikle mire marne kā subūt

kaash is fikr meñ kaT jaa.e ravānī dil kī

main daraKHton ko sunata hun kahani dil ki

aur phir wo bhi mere dost zabani dil ki

khelte khelte duniya se guzar jaenge

apne bachpan ki taraf le ke nishani dil ki

jab bhi aati hai teri yaad khule aangan mein

baiTh jata hun liye shoKH jawani dil ki

mujh ko sahil pe khaDa dekh ke irshad kiya

pas aa tujh ko sunata hun kahani dil ki

dasht mein phul ugane ki tamanna le kar

kyon mere sath hui naql-e-makani dil ki

wo bhi uDte hain mere naqsh-e-kaf-e-pa ki tarah

bhul jati hai jinhen baat batani dil ki

kash is baste se nikle mere marne ka subut

kash is fikr mein kaT jae rawani dil ki