main ghar se zehn mein kuchh sochta nikal aaya

maiñ ghar se zehn meñ kuchh sochtā nikal aayā

saḌak pe ḳhauf kā ik silsila nikal aayā

vo ek dard shagufta gulāb ho kar bhī

badan pe zaḳhm sā jaise nayā nikal aayā

sulagtī dhuup ne is darja kar diyā be-tāb

mujhī se saaya merā hāñptā nikal aayā

safed-poshoñ kī tauqīr ke tahaffuz meñ

hamāre shahr kā tabqa baḌā nikal aayā

mujhe vo rakhtā hai masrūf kis nazākat se

ki ġham se rishta mirā dūsrā nikal aayā

vo ek lams thā us kā hayāt kā zāmin

chhuā jo peḌ to patta harā nikal aayā

main ghar se zehn mein kuchh sochta nikal aaya

saDak pe KHauf ka ek silsila nikal aaya

wo ek dard shagufta gulab ho kar bhi

badan pe zaKHm sa jaise naya nikal aaya

sulagti dhup ne is darja kar diya be-tab

mujhi se saya mera hanpta nikal aaya

safed-poshon ki tauqir ke tahaffuz mein

hamare shahr ka tabqa baDa nikal aaya

mujhe wo rakhta hai masruf kis nazakat se

ki gham se rishta mera dusra nikal aaya

wo ek lams tha us ka hayat ka zamin

chhua jo peD to patta hara nikal aaya