main giran-bar tha is waste kam-maya tha

maiñ girāñ-bār thā is vāste kam-māya thā

tujh ko kyoñ rauñdā gayā tū to faqat saaya thā

kal khulā kitne dinoñ baa'd ye darvāza-e-dil

kal koī kitne dinoñ baa'd yahāñ aayā thā

baar baar uThtī thiiñ āñkheñ mirī ḳhanjar kī taraf

kitnī mushkil se maiñ shab ḳhud ko bachā paayā thā

phir mire haath meñ ik raushnī dar aa.ī thī

maiñ ne kuchh der kisī haath ko sahlāyā thā

phir mirī baat sunī an-sunī karne lage log

maiñ ne ik roz kisī baat ko dohrāyā thā

kal mire kamre meñ mahkār thī 'faisal' kyā kyā

kal mire kamre meñ phūloñ kā ḳhudā aayā thā

main giran-bar tha is waste kam-maya tha

tujh ko kyon raunda gaya tu to faqat saya tha

kal khula kitne dinon ba'd ye darwaza-e-dil

kal koi kitne dinon ba'd yahan aaya tha

bar bar uThti thin aankhen meri KHanjar ki taraf

kitni mushkil se main shab KHud ko bacha paya tha

phir mere hath mein ek raushni dar aai thi

main ne kuchh der kisi hath ko sahlaya tha

phir meri baat suni an-suni karne lage log

main ne ek roz kisi baat ko dohraya tha

kal mere kamre mein mahkar thi 'faisal' kya kya

kal mere kamre mein phulon ka KHuda aaya tha