main hua tera majra tu mera majra hua

maiñ huā terā mājrā tū mirā mājrā huā

vaqt yūñhī guzar gayā vaqt ke ba.ad kyā huā

kaisā guzishta din thā jo phir se guzārnā paḌā

dhuup bhī thī bachī huī saayā bhī thā bachā huā

sub.h ke saath jaa.e kaun shaam ko le ke aa.e kaun

raat kā ghar basā.e kaun hai koī jāgtā huā

ek makāñ meñ kuchh huā baat sunī na jā sakī

log galī galī se ab pūchh rahe haiñ kyā huā

pakḌā gayā thā kyā karūñ shauq thā ye gaḌhā bharūñ

sub.h tulūa kā huā shaam ġhurūb kā huā

sahn meñ chārpā.ī par baiThā huā huuñ der se

lamhoñ kā mas.ala huuñ aur sadiyoñ se huuñ milā huā

aise meñ bhī ajab nahīñ jī sakūñ aur mar sakūñ

apne ḳharāb o ḳhuub kā hairatī huuñ to kyā huā

yuuñ hī to chup nahīñ huuñ maiñ koī to baat hai zarūr

ye jo qazā huā hai ḳhvāb sajda thā jo qazā huā

aur maiñ baaqī rah gayā bāteñ banāne ke liye

merī tarah kā ek shaḳhs tere liye fanā huā

main hua tera majra tu mera majra hua

waqt yunhi guzar gaya waqt ke baad kya hua

kaisa guzishta din tha jo phir se guzarna paDa

dhup bhi thi bachi hui saya bhi tha bacha hua

subh ke sath jae kaun sham ko le ke aae kaun

raat ka ghar basae kaun hai koi jagta hua

ek makan mein kuchh hua baat suni na ja saki

log gali gali se ab puchh rahe hain kya hua

pakDa gaya tha kya karun shauq tha ye gaDha bharun

subh tulua ka hua sham ghurub ka hua

sahn mein chaarpai par baiTha hua hun der se

lamhon ka masala hun aur sadiyon se hun mila hua

aise mein bhi ajab nahin ji sakun aur mar sakun

apne KHarab o KHub ka hairati hun to kya hua

yun hi to chup nahin hun main koi to baat hai zarur

ye jo qaza hua hai KHwab sajda tha jo qaza hua

aur main baqi rah gaya baaten banane ke liye

meri tarah ka ek shaKHs tere liye fana hua