main husn-o-qabh-e-ghazal ko nazar mein rakhta hun

maiñ husn-o-qab.h-e-ġhazal ko nazar meñ rakhtā huuñ

ye e'timād bhī apne hunar meñ rakhtā huuñ

zamāna ho gayā bichhḌe hue magar ab tak

tumhārī yaad duā-e-sahar meñ rakhtā huuñ

bahut aziiz hai mujh ko asāsa-e-tahzīb

maiñ aisī jins-e-girāñ-māya ghar meñ rakhtā huuñ

vatan ko jab bhī zarūrat ho ḳhuun kī le le

ye hausla abhī qalb-o-jigar meñ rakhtā huuñ

talāsh-e-manzil-e-hastī bhī kitnī mushkil hai

maiñ apne aap ko har dam safar meñ rakhtā huuñ

jalā jalā ke ḳhud apne nuqūsh-e-pā ke charāġh

har ek moḌ har ik rahguzar meñ rakhtā huuñ

mirī nigāh mirā ehtisāb kartī hai

maiñ apne aap ko apnī nazar meñ rakhtā huuñ

main husn-o-qabh-e-ghazal ko nazar mein rakhta hun

ye e'timad bhi apne hunar mein rakhta hun

zamana ho gaya bichhDe hue magar ab tak

tumhaari yaad dua-e-sahar mein rakhta hun

bahut aziz hai mujh ko asasa-e-tahzib

main aisi jins-e-giran-maya ghar mein rakhta hun

watan ko jab bhi zarurat ho KHun ki le le

ye hausla abhi qalb-o-jigar mein rakhta hun

talash-e-manzil-e-hasti bhi kitni mushkil hai

main apne aap ko har dam safar mein rakhta hun

jala jala ke KHud apne nuqush-e-pa ke charagh

har ek moD har ek rahguzar mein rakhta hun

meri nigah mera ehtisab karti hai

main apne aap ko apni nazar mein rakhta hun