main hun aise bikhra sa

maiñ huuñ aise bikhrā sā

jaise ḳhvāb adhūrā sā

duur duur tak phailā hai

yādoñ kā ik sahrā sā

be-shak aap nahīñ aate

kar dete koī va.ada sā

ġham se āñkheñ bojhal haiñ

dil bhī hai kuchh bikhrā sā

maiñ us kī nazroñ meñ huuñ

kāġhaz kā ik TukḌā sā

aql-o-junūñ meñ rahtā hai

koī na koī jhagḌā sā

un se dil kī baat kahī

bojh huā kuchh halkā sā

uḌī uḌī sī rañgat hai

har koī hai sahmā sā

us ko haq hai jo bhī kare

vo hai merā apnā sā

merā yahī asāsa hai

ik dil vo bhī TuuTā sā

aap to chup se rahte haiñ

maiñ hotā huuñ rusvā sā

'arsh' nigāhoñ meñ aksar

lahrā.e ik saayā sā

main hun aise bikhra sa

jaise KHwab adhura sa

dur dur tak phaila hai

yaadon ka ek sahra sa

be-shak aap nahin aate

kar dete koi wada sa

gham se aankhen bojhal hain

dil bhi hai kuchh bikhra sa

main us ki nazron mein hun

kaghaz ka ek TukDa sa

aql-o-junun mein rahta hai

koi na koi jhagDa sa

un se dil ki baat kahi

bojh hua kuchh halka sa

uDi uDi si rangat hai

har koi hai sahma sa

us ko haq hai jo bhi kare

wo hai mera apna sa

mera yahi asasa hai

ek dil wo bhi TuTa sa

aap to chup se rahte hain

main hota hun ruswa sa

'arsh' nigahon mein aksar

lahrae ek saya sa